Փաստաբանի հաստիք

Հայտերի ընդունման ժամկետը երկարացվել է մինչև 2022թ․ հոկտեմբերի 24-ը։

Կազմակերպություն՝ «Իրավունքների պաշտպանություն առանց սահմանների» ՀԿ Հաստիքը՝ ՓաստաբանԱշխատանքի տևողությունը՝ մինչև 2023թ․ օգոստոսի 31-ը, երկարացման հնարավորությամբ (մինչև երեք ամիս փորձաշրջանով) Աշխատանքի հիմնական վայրը՝ ք. ԵրևանԱշխատանքի սկիզբը՝ նոյեմբերի 1Աշխատաժամանակը՝ Լրիվ դրույք

«Իրավունքների պաշտպանություն առանց սահմանների» հասարակական կազմակերպությունն աշխատանքի է հրավիրում վարչական իրավունքի և վարչական արդարադատության ոլորտում մասնագիտացում ունեցող փաստաբանի: Թեկնածուն պետք է ունենա գիտելիքներ մարդու իրավունքների չափանիշների և Հայաստանի Հանրապետության միջազգային պարտավորությունների, մարդու իրավունքների պաշտպանության սկզբունքների և մեխանիզմների վերաբերյալ:

Փաստաբանի հիմնական պարտականությունները.

• Կազմակերպությանը դիմած քաղաքացիներին (շահառուներին) տրամադրել իրավաբանական ծառայություններ, այդ թվում՝ բանավոր և գրավոր իրավախորհրդատվություն, անհրաժեշտության դեպքում իրականացնել ներկայացուցչություն և շահերի պաշտպանություն ՀՀ բոլոր դատական ատյաններում, պետական կառավարման և տեղական ինքնակառավարման մարմիններում,
• Պատրաստել անհրաժեշտ իրավական փաստաթղթեր, այդ թվում՝ դիմումներ, բողոքներ, հայցադիմումներ, վերաքննիչ և վճռաբեկ բողոքներ և այլ փաստաթղթեր, դրանց կազմման համար իրականացնել հետազոտություններ, կազմել տեղեկություն տրամադրելու վերաբերյալ հարցումներ և այլն,
• Իրականացնել ոլորտային հետազոտություններ, ուսումնասիրել և մշակել կարծիքներ, դիտարկումներ և առաջարկություններ ՀՀ իրավական ակտերի և դրանց նախագծերի վերաբերյալ, ուսումնասիրել ոլորտային միջազգային չափանիշներն ու միջազգային փորձը:
• Մասնակցել և ներկայացնել Կազմակերպությունը տարբեր հարթակներում ու հանրային միջոցառումներում,
• Ներկայացնել կատարված աշխատանքների ամենամսյա, եռամսյա և տարեկան հաշվետվություններ Կազմակերպության նախագահին,
• Կատարել Կազմակերպության նախագահի այլ հանձնարարությունները, որոնք բխում են աշխատանքային պարտականությունների բնույթից և Կազմակերպության գործունեության նպատակներից:

Պահանջվող որակավորումներ և հմտություններ.

• Իրավագիտության ոլորտում բարձրագույն կրթություն,
• Մարդու իրավունքների չափանիշների և սկզբունքների իմացություն,
• ՀՀ իրավական համակարգի և մարդու իրավունքների պաշտպանության ներպետական մեխանիզմների գերազանց իմացություն,
• Փաստաբանական գործունեության նվազագույնը երկու տարվա աշխատանքային ստաժ կամ իրավաբանական գործունեության նվազագույնը երեք տարվա աշխատանքային ստաժ,
• Հայերենի գերազանց իմացություն, անգլերեն և ռուսերեն լեզուների իմացությունը կդիտվի որպես առավելություն,
• Տեղեկություններ հավաքագրելու հմտություններ,
• Հետազոտական և վերլուծական հմտություններ,
• Համակարգչային հմտություններ,
• Պատասխանատվության բարձր զգացողություն և բարեխղճություն,
• Թիմային և անկախ աշխատելու կարողություն,
• Պլանավորման ունակություններ և ժամանակի կառավարում, սեղմ ժամկետներում աշխատելու կարողություն,
• Նախաձեռնողականություն, ազնվություն և բարեխղճություն,
• Խոցելի խմբերի հետ աշխատանքի փորձը կդիտվի որպես առավելություն:

Դիմելու համար պահանջվող փաստաթղթերն են՝

• Ինքնակենսագրություն
• Հետաքրքրության նամակ
• Փաստաբանական գործունեության արտոնագրի պատճենը
• Նախկինում կազմած իրավական փաստաթղթի առնվազն երկու օրինակ (նախապատվելի է՝ հայցադիմումի, առկայության դեպքում՝ վճռաբեկ բողոքի օրինակ)

Հետաքրքրվող և վերոգրյալ պահանջներին համապատասխանող անձանց խնդրում ենք ուղարկել նամակ info@prwb.am հասցեին մինչև 2022 թ. հոկտեմբերի 24-ը՝ էլեկտրոնային նամակի թեմայում նշելով «Փաստաբան» վերնագիրը: Ընտրության փաստաթղթային փուլն անցած թեկնածուները կհրավիրվեն հարցազրույցի:Պահանջվող փաստաթղթերը չներկայացնելու դեպքում հայտերը չեն դիտարկվելու։

Կազմակերպության մասին«Իրավունքների պաշտպանություն առանց սահմանների» հասարակական կազմակերպությունը հիմնադրվել է 2009 թվականին: Կազմակերպության առաքելությունն է բարձրացնել Հայաստանի Հանրապետությունում մարդու իրավունքների պաշտպանության արդյունավետությունը, իրավունքի գերակայության և լավ կառավարման սկզբունքների ամրապնդումը: Կազմակերպությունը մասնագիտացված է մարդու իրավունքների պաշտպանության, իրավունքի գերակայության, դատաիրավական, կոռուպցիայի դեմ պայքարի, ինչպես նաև անվտանգության ոլորտի բարեփոխումների իրականացման ծրագրերում: