Կարգադրիչները դատարանում ուժ են կիրառել (տեսանյութ)

Ժիրայր Սեֆիլյանի և այլոց գործով դատական նիստից առաջ այսօր Շենգավիթ վարչական շրջանի ընդհանուր իրավասության դատարանի մոտ լարվածություն է։

Հանրային պաշտպան Մարինե Թովմասյանի ներկայության դեմ բողոքի ակցիա է անցկացնում քաղաքացիական ակտիվիստ Վարդգես Գասպարին։ «Ես չեմ ուզում, որ ինձ այդ մարդը պաշտպանի», -֊հայտարարում է նա։

Ժիրայր Սեֆիլյանի և այլոց գործով նիստի տեսագրումն, ինչպես նաև ուղիղ հեռարձակումը լրատվամիջոցներին արգելեցին։

Նիստի ընթացքում Վարդգես Գասպարին բարձր ձայնով դիմեց Հանրային պաշտպան Մարինե Թովմասյանին՝ «անամոթ» վանկարկումով։ Նրան հեռացրին դահլիճից՝ թեւերը ոլորելով։

Քանի որ «Ա1+» ֊ի տեսախցիկը ֆիքսեց այդ պահը՝ առանց կադրում ցուցադրելու դատավարության մասնակիցներին։

Կարգադրիչները ուժի կիրառմամբ նիստերի դահլիճից հեռացրին «Ա1+» ֊ի անձնակազմին։

Նիստը հետաձգվեց, իսկ  դատարանի բակում հանրային պաշտպան Մարինե Թավմասյանին սպասում էին Ժիրայր Սեֆիլյանի համակիրները, որոնք ի նշան բողոքի փակեցին նրա մեքենայի ճանապարհը։

Մանրամասները՝ տեսանյութերում