Ազտամարռտիկ Վոլոդյա Ավետիսյանի վաղաժամ ազատ արձակման վերաբերյալ դատական նիստնայսօր հետաձգվեց. չէր ներկայացել անկախ հանձնաժողովի ներկայացուցիչը, և դատարանինհայտնի չէր նրա բացակայության պատճառը:Փաստաբան Արաքս Մելքոնյանի խոսքով՝ Ավետիսյանը դրական բնութագիր ունի, երբևէ կալանավայրում կարգապահական տույժի չի ենթարկվել, և չնայած այդ հանգամանքին՝ արդեն 6 անգամ անկախ հանձնաժողովը մերժել է նրա վաղաժամ ազատ արձակման վերաբերյալ դիմումը:
Ավետիսյանը 2013-ի համաներումով պատժաչափի կրճատման արդյունքում ազատ կարձակվի այստարվա մայիսին: «Բայց դա որևէ նշանակություն չունի. անգամ մեկ օրն անազատության մեջ խնդրահարույց է»,- ասում է փաստաբան Մելքոնյանը:Վերջինս «Հետք»-ի հետ զրույցում նշեց, որ դատարանում ոչ թե անկախ հանձնաժողովի որոշումն է բողոքարկում, այլ գտնում է, որ հենց դատարանն է, որ պիտի վաղաժամ ազատ արձակման վերաբերյալ որոշում կայացնի:
«Քրեակատարողական հիմնարկի վարչակազմը գտնում է, որ անձը այլևս չունի պատիժը կրելուանհրաժեշտություն և դիմում է անկախ հանձնաժողովին`ազատ արձակելու համար: Անկախհանձնաժողովը պիտի դրան հավանություն տա, որպեսզի ՔԿՀ վարչակազմը նրա վաղաժամ ազատարձակման հարցը ներկայացնի դատարան, իսկ եթե հավանություն չի տալիս, ապա վաղաժամազատ արձակման հարցն այլևս դատարան չի ներկայացվում»,- Հայաստանում վաղաժամ ազատարձակման վերաբերյալ ընթացակարգն է ներկայացնում փաստաբանը, բայց միևնույն ժամանակդիրքորոշում հայտնում, որ անձը կարող է վաղաժամ ազատ արձակվել այն դեպքում, եթեդատարանը գտնում է, որ նա պատիժը կրելու հնարավորություն չունի: Ըստ փաստաբանի՝ անկախ հանձնաժողովի`վաղաժամ ազատ արձակման վերաբերյալ դիրքորոշումն ինչպիսին էլ լինի, պետք է նրա վաղաժամ ազատ արձակման հարցը դատարան ներկայացվի:
Այսօրվա դատական նիստին դատարանում էին Վոլոդյա Ավետիսյանի ազատամարտիկ ընկերները, վերջիններիս բարկացրեց դատական նիստը հետաձգելու հանգամանքը: «Թող զանգեն ճշտեն, գուցե անկախ հանձնաժողովի ներկայացուցիչը ճանապարհին է», «վաղն էլ դատախազը չի գա», «հետո՝ չգիտեմ ինչ կլինի»,- դատարանի դահլիճից դուրս գալիս իրենց դժգահությունն էին արտահայտում Ավետիսյանի ազատամարտիկ ընկերները:
Ավետիսյանը մինչև դատավորի՝ դատական նիստերի դահլիճ մտնելը հանդես եկավ կոչով:«Կոչ եմ անում ոչ ոք հանրապետականներին չընտրի, քանի որ նրանք են քանդել մեր երկիրը»,- ասաց անազատության մեջ գտնվող ազատամարտիկը:
Հիշեցնենք, որ Ավետիսյանը մեղադրվել և դատապարտվել է խարդախության և խարդախությանփորձի մեջ․ ըստ քրեական գործի՝ քաղաքացուց 2 հազար դոլար է վերցրել վերջինիս թոռանըբանակից ազատելու հարցում օգնելու համար, իսկ մյուս դեպքում՝ 500 դոլար է փորձել վերցնել՝կրկին բանակում հարցեր լուծելու համար։
post
https://prwb.am/2017/03/31/
Հայաստանում գործող քաղաքացիական հասարակության կազմակերպությունները հանդես են եկել համատեղ հայտարարությամբ՝
ԱՄՆ փոխնախագահ Ջեյ Դի Վենսի՝ Հայաստան և Ադրբեջան կատարելիք այցի
2026թ․ փետրվարի 3-ին սոցիալական ցանցերում և լրատվամիջոցներում տարածվել է տեսանյութ,
«Իրավունքների պաշտպանություն առանց սահմանների» ՀԿ-ն աշխատանքի է հրավիրում քաղաքացիական և
