Գագիկ Հարությունյան Բարձրագույն դատական խորհրդի նախագահ (5 տարի ժամկետով)

Գագիկ Հարությունյանը ծնվել է 1948թ. մարտի 23-ին։

1970թ. գերազանցությամբ ավարտել է Երեւանի պետական համալսարանի տնտեսագիտության ֆակուլտետը, այնուհետեւ ուսանել է Երեւանի պետական համալսարանի ասպիրանտուրայում։

1991թ. նոյեմբերից մինչեւ 1992թ. հուլիսը կատարել է ՀՀ վարչապետի պարտականությունները։

1996թ. փետրվարի 6-ին Ազգային Ժողովի կողմից նշանակվել է ՀՀ սահմանադրական դատարանի նախագահ։

2018թ. փետրվարի 28-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:

2018թ. մարտի 5-ին Բարձրագույն դատական խորհրդի կողմից ընտրվել է Խորհրդի նախագահ:

Կենսագրությունը ամբողջությամբ

Գագիկ Հարությունյան հայտարարագրերը

Մամուլից հավաքագրված տեղեկություններ

 

 

Գևորգ Դանիելյան ԲԴԽ Խորհրդի անդամ (5 տարի ժամկետով)

Ծնվել է 1958 թվականին:

1975 – 1983 թթ. սովորել է ԵՊՀ իրավաբանական ֆակուլտետում:

1984 – 1987 թթ. սովորել է ԽՍՀՄ Գիտությունների ազգային ակադեմիայի պետության և իրավունքի ինստիտուտի ասպիրանտուրայում, որտեղ էլ 1987 թ. պաշտպանել է թեկնածուական թեզ:

2007 – 2010 թթ. ՀՀ արդարադատության նախարար:

2018 թ. փետրվարի 28-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:

Կենսագրությունը ամբողջությամբ

 Գևորգ Դանիելյանի հայտարարագրերը

Մամուլից հավաքագրված տեղեկություններ

 

 

Լիպարիտ Մելիքջանյան ԲԴԽ խորհրդի անդամ (5 տարի ժամկետով)

Ծնվել է 1974 թվականին:

1991-1996թթ. գերազանցության դիպլոմով ավարտել է Երևանի պետական համալսարանի իրավագիտության ֆակուլտետը՝ ստանալով իրավաբանի որակավորում:

1997թ.-ին ընդունվել է Երևանի պետական համալսարանի իրավագիտության ֆակուլտետի հեռակա ասպիրանտուրան:

1999-2003 թթ. աշխատել է «Գրեյթ Արարատ» ՍՊԸ-ում՝ որպես իրավաբան:

2005թ.-ից մինչ օրս աշխատում է Երևանի պետական համալսարանի իրավագիտության ֆակուլտետի քաղաքացիական իրավունքի ամբիոնում՝ որպես դասախոս, 2007թ.-ից՝ որպես ասիստենտ:

2018թ. փետրվարի 28-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:

Կենսագրությունը ամբողջությամբ

Մամուլից հավաքագրված տեղեկություններ

 

 

 

Հայկ Հովհաննիսյան ԲԴԽ խորհրդի անդամ

Ծնվել է 1976 թվականին:

1993-1998 թթ. սովորել է ԵՊՀ իրավագիտության ֆակուլտետում:

1999թ.-ին ավարտել է Ամերիկյան համալսարանը՝ ստանալով իրավունքի մագիստրոսի կոչում:

2006թ.-ին ընտրվել է Փաստաբանների պալատի խորհրդի անդամ:

2014թ.-ից դասախոսում է ՀՀ փաստաբանների դպրոցում` ներկայացուցչություն միջազգային արբիտրաժում և փաստաբանական հմտություններ հաշտարարությունում առարկաները:

2017-18թթ. հանդիսացել է սնանկության օրենսդրության բարեփոխման գծով Վերակառուցման և զարգացման եվրոպական բանկի առաջատար փորձագետ:

2018թ. փետրվարի 28-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ:

 Կենսագրությունը ամբողջությամբ

Մամուլից հավաքագրված տեղեկություններ

 

 

Սերգեյ Մեղրյան ԲԴԽ խորհրդի անդամ  (3 տարի ժամկետով)

Ծնվել է 1976 թվականին:

1992–1997թթ. սովորել է Երևանի պետական համալսարանի իրավաբանական ֆակուլտետում:

1997–2000թթ. սովորել է Երևանի պետական համալսարանի ասպիրանտուրայում` «Մասնավոր իրավունք» մասնագիտացմամբ։

2007–2018թթ. երկու անգամ ընտրվել է ԵՊՀ քաղաքացիական դատավարության ամբիոնի վարիչի պաշտոնում։

2018 թ-ից առ այսօր ԵՊՀ քաղաքացիական դատավարության ամբիոնի դոցենտ է։

2003-2004թթ. համատեղության կարգով զբաղեցրել է «Գրիգոր Զոհրապ» համալսարանի ռեկտորի պաշտոնը։

2015-2018թթ. հանդիսացել է Հայաստանի Հանրապետության դատավորների ընդհանուր ժողովի գնահատման հանձնաժողովի անդամ։

2018թ. փետրվարի 28-ին Հայաստանի Հանրապետության Ազգային ժողովի կողմից ընտրվել է Բարձրագույն դատական խորհրդի անդամ՝ երեք տարի ժամկետով:

 

 Կենսագրությունը ամբողջությամբ

Մամուլից հավաքագրված տեղեկություններ

 

 

Արմեն Բեկթաշյան  ԲԴԽ խորհրդի անդամ (5 տարի ժամկետով), դատավոր անդամ

 Ծնվել է 1971 թվականին:

1991-1996 թթ. սովորել է ԵՊՀ իրավաբանական ֆակուլտետում:

1999 թ.-ին նշանակվել է Արարատի մարզի դատախազության քննիչ:

2003 թ.-ին նշանակվել է Երևան քաղաքի Մալաթիա-Սեբաստիա համայնքի դատախազության քննիչ:

2005 թ.-ին նշանակվել է Երևան քաղաքի Ավան և Նոր Նորք համայնքների դատախազության քննիչ:

2007 թ.-ին նշանակվել է Երևան քաղաքի Ավան և Նոր Նորք համայնքների դատախազության ավագ դատախազ:

2007-2014թթ․ աշխատել է Արարատի և Վայոց Ձորի մարզերի ընդհանուր իրավասության դատարանի դատավոր:

2014 թվականի մարտի 20-ի ՀՀ նախագահի ՆՀ-40Ա հրամանագրով նշանակվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր։

ՀՀ ԱԺ կողմից 2017 թվականի դեկտեմբերի 21-ի թիվ ՀՕ-34-Ն օրենքի համաձայն շարունակում է պաշտոնավարել Երևան քաղաքի ընդհանուր իրավասության դատարանի դատավորի պաշտոնում:

2018 թ. մարտի 1-ին Հայաստանի Հանրապետության դատավորների ընդհանուր ժողովի կողմից ընտրվել է Բարձրագույն դատական խորհրդի անդամ:

Կենսագրությունը ամբողջությամբ

Մամուլից հավաքագրված տեղեկություններ

 

 

Անի Մխիթարյան (5 տարի ժամկետով), դատավոր անդամ

Ծնվել է 1971 թվականին:

1989-1994թթ. սովորել է ԵՊՀ իրավաբանական ֆակուլտետում։

1996-2005թթ. աշխատել է ՀՀ Սահմանադրական դատարանում՝ որպես առաջատար մասնագետ, այնուհետև՝ վարչության պետի տեղակալ։

2005-2008թթ. աշխատել է Լոռու մարզի առաջին ատյանի ընդհանուր իրավասության դատարանի դատավոր։

2008-2009թթ. աշխատել է Հյուսիսային քաղաքացիական դատարանի դատավոր:

2009 թվականի փետրվարի 27-ին ՀՀ Նախագահի հրամանագրով նշանակվել է Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարանի դատավոր:

ՀՀ ԱԺ կողմից 2017 թվականի դեկտեմբերի 21-ի թիվ ՀՕ-34-Ն օրենքի համաձայն շարունակել է պաշտոնավարել Երևան քաղաքի առաջին ատյանի ընդհանուր իրավասության դատարանի դատավորի պաշտոնում:

2018թ. մարտի 1-ին Հայաստանի Հանրապետության դատավորների ընդհանուր ժողովի կողմից ընտրվել է Բարձրագույն դատական խորհրդի անդամ:

ՀՀ նախագահի 2018 թվականի հունիսի 15-ի հրամանագրով նշանակվել է ՀՀ վերաքննիչ քաղաքացիական դատարանի դատավոր:

 

Կենսագրությունը ամբողջությամբ

Մամուլից հավաքագրված տեղեկություններ

 

Սերգեյ Չիչոյան (5 տարի ժամկետով), դատավոր անդամ

Ծնվել է 1966 թվականին:

1983-1988թթ. սովորել է ԵՊՀ իրավաբանական ֆակուլտետում։

1992-1994թթ. աշխատել է Գեղարքունիքի մարզի քննչական բաժնում՝ որպես հատկապես կարևոր գործերով ավագ քննիչ:

1994-1999թթ. աշխատել է Կամոյի քննչական բաժնում՝ որպես բաժանմունքի պետ:

1999-2003թթ. աշխատել է Գեղարքունիքի մարզի առաջին ատյանի դատարանի դատավոր։

2003-2008թթ. աշխատել է Գեղարքունիքի մարզի առաջին ատյանի դատարանի նախագահի պաշտոնում։

2008-2009թթ. զբաղեցրել է Հյուսիսային քրեական դատարանի նախագահի պաշտոնը:

2009թ.ականի փետրվարի 27-ին ՀՀ Նախագահի հրամանագրով նշանակվել է ՀՀ վերաքննիչ քրեական դատարանի դատավոր:

2018թ. մարտի 1-ին Հայաստանի Հանրապետության դատավորների ընդհանուր ժողովի կողմից ընտրվել է Բարձրագույն դատական խորհրդի անդամ:

ՀՀ նախագահի 2018 թվականի հունիսի 8-ի հրամանագրով նշանակվել է ՀՀ Գեղարքունիքի մարզի առաջին ատյանի ընդհանուր իրավասության դատարանի դատավոր:

Կենսագրությունը ամբողջությամբ

Սերգեյ Չիչոյանի հայտարարագրերը

Մամուլից հավաքագրված տեղեկություններ

 

 

Արմեն Խաչատրյան (3 տարի ժամկետով), դատավոր անդամ

Ծնվել է 1971 թվականին, ք. Գյումրիում:

1988-1993թթ. սովորել է ԵՊՀ իրավաբանական ֆակուլտետում:

1995թ.-ից մինչև 1999 թվականն աշխատել է ՀՀ ՆԳ և ԱԱՆ Քննչական գլխավոր վարչության Շիրակի մարզային քննչական բաժնում՝ որպես քննիչ։

1999թ.-ից աշխատել է Գյումրիի կայազորի զինվորական դատախազությունում՝ որպես քննիչ, իսկ 2000 թվականին նշանակվել է նույն դատախազությունում՝ որպես ավագ քննիչ։

2003-2005թթ. աշխատել է Գյումրիի կայազորի զինվորական դատախազի օգնական, այնուհետև՝ մինչև 2006 թվականը զբաղեցրել է նույն կայազորի զինդատախազի ավագ օգնականի պաշտոնը։

2006-2007թթ. աշխատել է Արարատի մարզի առաջին ատյանի ընդհանուր իրավասության դատարանի դատավոր։

2007 թվականի մայիսի 23-ի ՀՀ Նախագահի հրամանագրով նշանակվել է Շիրակի մարզի առաջին ատյանի ընդհանուր իրավասության դատարանի դատավոր:

2018թ. մարտի 1-ին Հայաստանի Հանրապետության դատավորների ընդհանուր ժողովի կողմից ընտրվել է Բարձրագույն դատական խորհրդի անդամ:

2018 թվականի օգոստոսի 10-ին ՀՀ նախագահի հրամանագրով նշանակվել է Սնանկության դատարանի դատավոր:

 

Կենսագրությունը ամբողջությամբ

Արմեն Խաչատրյանի հայտարարագրերը

Մամուլից հավաքագրված տեղեկություններ