Category: Հանրային կառավարում

Հանրային կառավարումը քաղաքականության մշակման և իրականացման կանոնների ամբողջություն է և թե ինչպես է հասարակությունը մասնակցում դրա իրականացմանը:

2015թ.-ին կազմակերպության կողմից իրականացվել է «Հանրային կառավարման բարեփոխումների գործընթացի նկատմամբ անկախ մոնիթորինգի մեխանիզմների ձևավորում» ծրագիրը: Ծրագրի հիմնական նպատակը Հայաստանում և Վրաստանում վերջին հինգ տարիներին հանրային կառավարան բարեփոխումների գնահատում իրականացնելն է, ինչպես նաև այսուհետ այդ գործընթացում քաղաքացիական հասարակության ակտիվ մասնակցությունը ապահովելը: Ծրագրի շրջանակներում մշակվել է հանրային կառավարման բարեփոխումների գնահատման մեթոդաբանություն՝ օգտագործելով  Եվրոպական միության անդամ երկրների լավագույն փորձը: Պատրաստվել է գնահատման հաշվետվություն, որտեղ ներկայացվել է հանրային կառավարման բարեփոխումները Հայաստանում:

2015թ.-ին կազմակերպությունը իրականացրել է «Ձևավորել ապացույցների վրա հիմնված շահերի պաշտպանություն հանուն իրավունքի գերակայության և արդյունավետ կառավարման» ծրագիրը Հայաստանի և Վրաստանի քաղաքացիական հասարակության ներկայացուցիչների մասնակցությամբ:  2016թ.-ին վիշեգրադյան երկրների փորձի հիման կազմակերպության և գործընկեր կազմակերպությունների կողմից պատրաստվել է «Մասնակցային մոնիթորինգ և արդյունավետ կառավարման գնահատում: Մեթոդոլոգիա և գործիքներ» ուղեցույցը որի հիման վրա իրականացվել է նաև կարողությունների զարգացման դասընթաց: Դասընթացից հետո մասնակիցներն իրենց գիտելիքները կիրառել են պրակտիկայում՝  Հայաստանում և Վրաստանում իրականացնելով լավ կառավարման գնահատում: Իրականացված մոնիթորինգի արդյունքում պատրաստվել է զեկույց «Լավ կառավարման մոնիթորինգ և գնահատում» թեմայով, որտեղ ներկայացվել է արդյունավետ կառավարումը Հայաստանում և Վրաստանում ըստ կառավարման սկզբունքների:

Արդյունավետ կառավարման վերաբերյալ իրազեկվածության մակարդակի բարձրացման նպատակով կազմակերպության կողմից պատրաստվել է  մասնակցային մոնիթորինգի և արդյունավետ կառավարման թեմայով ուսուցողական տեսահոլովակը:

2015թ.-ից կազմակերպությունը հանդիսանում է Բաց կառավարման գործընկերության նախաձեռնության երրորդ գործողությունների ծրագրի աշխատանքները կանոնակարգող աշխատանքային խմբի անդամ: Կազմակերպությունը առաջարկություններ է ներկայացրել  երրորդ՝ 2016-2018 թթ. գործողությունների ծրագրում ընդգրկելու համար: Նախաձեռնության նպատակն է քաղաքացիական հասարակության ակտիվ ներգրավմամբ նպաստել կառավարման համակարգի բարելավմանը, խթանել վերջինիս արդյունավետությունը՝ բարձրացնելով պետություն-քաղաքացի հարաբերությունների թափանցիկության, վստահելիության և հաշվետվողականության մակարդակը:

2016թ.-ին կազմակերպությունը մասնակցել է Եվրոպայի խորհրդի կողմից իրականացվող «Քաղաքացիական մասնակցությունը Արեւելյան գործընկերության երկրներում որոշումների կայացման գործընթացում» ծրագրին: Ծրագրի նպատակն է եղել ուսումնասիրել ազգային մակարդակում քաղաքական որոշումների կայացման գործընթացում հասարակական մասնակցության հնարավորությունները:  Գնահատման արդյունքում պատրաստվել է զեկույց, որտեղ կազմակերպությունը իր դիտարկումներն է ներկայացրել Հայաստանում տեղեկատվության ազատության մասին օրենսդրության, ընտրությունների, մասնակցային քաղաքականության մշակման, Բաց կառավարման համագործակցության, երկխոսության և համագործակցության մեխանիզմների, օրենսդրական նախաձեռնությունների վերաբերյալ հետադարձ կապի ապահովման, մոնիթորինգի և գնահատման, քաղաքացիական հասարակության գործունեության ազատության վերաբերյալ: Կազմակերպության ներկայացուցիչները նաև իրենց մասնակցություն են ունենում Արևելյան գործընկերության քաղաքացիական հասարակության ֆորումի կողմից կազմակերպված համաժողովներին և թեմատիկ հանդիպումներին:

2016թ.-ից կազմակերպության նախագահ Հայկուհի Հարությունյանը հանդիսանում է ԱլԳ ՔՀՖ-ի Վերստուգող Հանձնաժողովի անդամ և ԱլԳ ՔՀՖ 1-ին՝ «Ժողովրդավարություն, մարդու իրավունքներ, արդյունավետ կառավարում և կայունություն» աշխատանքային խմբի համակարգող: