Category: Օրենսդրական նախաձեռնություններ և քաղաքականության փաստաթղթեր

Կազմակերպության կողմից  ներկայացվել են օրենսդրական փոփոխությունների առաջարկներ այլընտրանքային կարծիքներ և դիտարկումներ մարդու իրավունքներին առնչվող օրենքի նախագծերի վերաբերյալ:

Կազմակերպության մասնագետները իրավունքների պաշտպանության տարբեր ոլորտների հետազոտական ծրագրերի շրջանակներում իրականացրել են տվյալ ոլորտը կարգավորող ՀՀ օրենսդրության վերլուծություն, ինչպես նաև ուսումնասիրել են միջազգային լավագույն փորձը, որի արդյունքների համադրության հիման վրա մշակվել են կազմակերպության՝ տվյալ ոլորտին վերաբերելի օրենսդրական բարեփոխումների առաջարկները:

Կազմակերպությունը օրենսդրական փոփոխությունների առաջարկներ է մշակել ՀՀ վարչական արդարադատության, ՀՀ քրեական արդարադատության, ՀՀ պաշտպանության իրավունքը կարգավորող օրենսդրության, ՀՀ ընտրական օրենսդրության, ՀՀ դատական օրենսգրքի, ՀՀ հասարակական կազմակեպությունների մասին օրենքի, ՀՀ պատժից պայմանական վաղաժամկետ ազատման օրենքի, ՀՀ զինվորական ծառայության կարգի դեմ ուղղված հանցագործությունների, արտագնա դատական նիստերի, աշխատանքի վայրում առողջությանը պատճառված վնասի և դրա դիմաց փոխատուցման իրավունքի իրացման, քաղաքացիության իրավունքի, ՀՀ-ում հոգեկան խանգարման հետևանքով անձին անգործունակ ճանաչելու ինստիտուտի օրենսդրական կարգավորման, հոգեկան առողջության խնդիրներ ունեցող անձանց փորձաքննության իրականացման վերաբերյալ   և այլն:

Կազմակերպությունը աշխատանք է  ծավալել պրոբացիոն ծառայության, պայմանական վաղաժամկետ ազատման, ծանր հիվանդության հիմքով պատժի կրումից ազատման, Հայաստանում անչափահասների գործերով արդարադատության հարցերի և քրեակատարողական ոլորտին առնչվող այլ հարցերի շուրջ:

Կազմակերպությունը հատուկ կարծիքներ է ներկայացրել ՀՀ հասարակական կազմակերպությունների մասին օրենքի նախագծի, ՀՀ Դատական օրենսգրքի, ՀՀ Դատախազության մասին օրենքի, ՀՀ հակակոռուպցիոն ռազմավարության, ՀՀ Քրեակատարողական հիմնարկներում բժշկական ծառայությունների արդիականացման հայեցակարգին հավանություն տալու մասին արձանագրային նախագծի վերաբերյալ, ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողության իրականացման կարգի և դիտորդների խմբի կազմը սահմանելու մասին փոփոխությունների վերաբերյալ, քաղաքացուն անգործունակ կամ սահմանափակ գործունակ ճանաչելու վերաբերյալ, ՀՀ կոռուպցիայի դեմ պայքարի խորհրդի կազմ հասարակական կազմակերպությունների ներգրավման և ռոտացիայի կարգը սահմանելու մասին ՀՀ վարչապետի որոշման նախագծի, ՀՀ Կառավարության Հանրապետական գործադիր մարմինների կողմից մշակված կամ նրանց առաքված տեղեկատվության գրանցման, դասակարգման և պահպանման, ինչպես նաև տեղեկատվության կամ դրա կրկնօրինակի տրամադրման կարգը սահմանելու մասին և այլն: