Category: Շահերի պաշտպանություն

Շահերի պաշտպանությունը սահմանվում է որպես ազդեցություն որոշում կայացնողների կամ հասարակության կարծիքի վրա, որպեսզի նրանք ընդունեն արդյունավետ քաղաքականության իրականացման որոշումներ և քայլեր ձեռնարկեն դրանց իրագործման նպատակով:

«Իրավունքների պաշտպանություն առանց սահմանների» ՀԿ-ն պաշտպանում է այն մոտեցումը, որ շահերի պաշպանությունը պետք է  իրականացնել հիմք ընդունելով համընդհանուր իրավունքները:  Այս առնչությամբ, կազմակերպության փորձագետների կողմից պատրաստվել են տարբեր ոլորտներում մարդու իրավունքների վիճակը ներկայացնող այլընտրանքային զեկույցներ, տեղեկանքներ, արձանագրված խնդիրների կապակցությամբ իրականացվել են օրենսդրական վերլուծություններ և հետազոտություններ, մոնիթորինգներ, որոնք հնարավորություն են ընձեռնել միջազգային փորձի լավագույն ուսումնասիրության հիման վրա վերհանել օրենսդրական թերությունները և բացերը՝ ներկայացնելով առաջարկությունների փաթեթ:

Կազմակերպության աշխատակիցները մասնակցություն են ունեցել տեղական և միջազգային կառույցների կողմից կազմակերպված մարդու իրավունքների տարբեր միջոցառումներին, ներկայացնելով արձանագրած խնդիրները, ինչը կարևորվել և ընդունվել է ի գիտություն:

Զուգահեռաբառ կազմակերպությունը իրականացնում է  շահերի պաշտպանության մասին իրազեկմանն ուղղված աշխատանքներ՝ դասընթացների,  օժանդակող նյութերի պատրաստման և տարածման միջոցով: