Արևելյան Եվրոպայի և Կենտրոնական Ասիայի հակակոռուպցիոն ցանցի մոնիթորինգային խմբի այցը Հայաստան

2018թ. մարտի 14-ին տեղի է ունեցել Տնտեսական համագործակցության զարգացման կազմակերպության (ՏՀԶԿ) և Արևելյան Եվրոպայի և Կենտրոնական Ասիայի հակակոռուպցիոն ցանցի մոնիթորինգային խմբի հանդիպումը Հայաստանի Հանրապետության քաղաքացիական հասարակության ներկայացուցիչների հետ:

Հանդիպմանը մասնակցել է նաև «Իրավունքների պաշտպանություն առանց սահմանների» ՀԿ իրավական հարցերով փորձագետ Հասմիկ Հարությունյանը:

Խմբի այցի նպատակն էր Ստամբուլյան հակակոռուպցիոն գործողությունների շրջանակներում իրականացվող մոնիթորինգի  4-րդ փուլի գնահատումը: Մասնավորապես, գնահատման են ենթարկվել հակակոռուպցիոն քաղաքականության, կոռուպցիայի քրեականացման և կոռուպցիայի կանխարգելման գլուխները, դրանց պրակտիկ կիրառումը:

ԻՊԱՍ-ը հանդիպման ընթացքում ներկայացրել է ՀՀ Դատական օրենսգրքի և «Դատախազության մասին» օրենքի փոփոխությունների վերաբերյալ իրականացրած օրենսդրական նախագծերի գնահատումն ու արձանագրած խնդիրները, ինչը կարևորվել և ի գիտություն է ընդունվել մոնիթորինգային խմբի կողմից:

Հավաքագրված տեղեկատվությունը կներկայացվի և կքննարկվի 2018թ.-ի հուլիսի 3-ից 5-ը Փարիզում կայանալիք լիագումար նիստի ընթացքում:

 

The OECD Anti-Corruption Network for Eastern Europe and Central Asia Special Session with the Armenian Civil Society organizations in the framework of the Fourth Round Monitoring of Armenia under the Istanbul Anti-Corruption Action Plan is taking place in Yerevan. This session is a part of the on-site visit of the OECD/ACN monitoring team.

Posted by Թրանսփարենսի Ինթերնեշնլ Հայաստան – Transparency International Armenia on Wednesday, March 14, 2018