2020թ. ապրիլի 3-ին Երևան քաղաքի ընդհանուր իրավասության դատարանը, (նախագահությամբ դատավոր Դավիթ Բալայանի) որոշում է կայացրել կալանքից ազատ արձակել նախկինում ցմահ ազատազրկման դատապարտված, իսկ ներկայում՝ ամբաստանյալ Խոսրով Ավագյանին՝ նրա նկատմամբ խափանման միջոց ընտրելով չհեռանալու մասին ստորագրությունը։
Խոսրով Ավագյանը 2008 թվականին 2 անձի սպանության համար դատապարտվել է ցմահ ազատազրկման:
2009 թվականի դեկտեմբերի 28-ին Մարդու իրավունքների եվրոպական դատարան գանգատ է ներկայացվել Խոսրով Ավագյանի իրավունքների խախտման վերաբերյալ: ՄԻԵԴ-ում դիմումատու Խոսրով Ավագյանի շահերը ներկայացրել են «Իրավունքների պաշտպանություն առանց սահմանների» ՀԿ իրավաբանները:
Ներկայացված գանգատի համաձայն՝ ՀՀ ներպետական դատարաններում գործի քննության ժամանակ Խ. Ավագյանը զրկված է եղել փորձագետներին հարցաքննելու և տրված փորձագիտական եզրակացությունները վիճարկելու հնարավորությունից, ինչը իր մեղավորության հաստատման համար ունեցել է վճռորոշ նշանակություն: Նման հնարավորությունից զրկելն ու ցմահ ազատազրկման դատապարտման որոշում կայացնելը հանգեցրել է իր՝ Կոնվենցիայի 6.1 և 6.3 հոդվածներով նախատեսված իրավունքների խախտման:
2018 թվականի նոյեմբերի 22-ին ՄԻԵԴ-ը վճիռ է կայացրել Ավագյանն ընդդեմ Հայաստանի գործով:
Դատարանը, ուսումնասիրելով նշված փաստերն ու բարձրացված հարցերը, գտել է, որ փորձագետներին լսելու՝ դիմումատուի պահանջը անհիմն չի եղել: Ավելին, դատարանը գտել է, որ փորձագետների կարծիքները գործի համար ունեցել են էական նշանակություն, քանզի դրանց հիման վրա ներպետական դատարանները պետք է որոշեին, արդյոք տուժողների մահը վրա է հասել դիտավորյալ սպանությունից, թե ոչ: Դատարանն ընդունել է, որ դիմումատուի՝ փորձագետներին դատարանում լսելու միջնորդությունը հատկապես կարևոր էր ցմահ ազատազրկման պարագայում: Դատարանն արձանագրել է, որ ներպետական դատարանների կողմից փորձագետներին հարցաքննելու և լսելու հնարավորությունից զրկելը հանգեցրել է գործով կողմերի հավասարության ու մրցակցության սկզբունքների խախտմանը՝ Կոնվենցիայի 6.1 և 6.3 հոդվածների ներքո:
Մարդու իրավունքների եվրոպական դատարանի վճիռն ուժի մեջ մտնելուց հետո՝ 2019 թվականի մարտի 19-ին Խոսրով Ավագյանը ԻՊԱՍ իրավաբանների աջակցությամբ դիմում է ներկայացրել վճռաբեկ դատարան և խնդրել բեկանել իր վերաբերյալ 2008 թվականին կայացված դատավճիռը, Վերաքննիչ քրեական, Վճռաբեկ դատարանների որոշումները և գործն ուղարկել նոր քննության։
2019 թվականի նոյեմբերի 7-ին Վճռաբեկ դատարանը որոշում է կայացրել բավարելու Խոսրով Ավագյանի վճռաբեկ բողոքը, արդյունքում Խոսրով Ավագյանի վերաբերյալ դատավճիռը և մյուս դատական ակտերը բեկանվել են, և գործն ուղարկել է Երևան քաղաքի ընդհանուր իրավասության դատարան՝ նոր քննության (հանրային պաշտպան՝ Լյուդվիգ Ավետիսյան)։
Խոսրով Ավագյանի մոտ առկա են առողջական լուրջ խնդիրներ, ինչը հաստատվել է նաև «Քրեակատարողական բժշկության կենտրոն» ՊՈԱԿ-ի կողմից կայացված միջգերատեսչական բժշկական հանձնաժողովի եզրակացությամբ։ Ընդհանուր իրավասության դատարանի կողմից որոշում է կայացվել դատաքննությունն իրականացնել ամբողջ ծավալով, ինչը կտևի տևական ժամանակ։
Հիմք ընդունելով այդ հանգամանքը, ինչպես նաև Խ. Ավագյանի առողջական վիճակը՝ ելնելով մարդասիրության սկբունքից, դատարանը որոշել է կալանքից ազատ արձակել ցմահ դատապարտյալին:
«Իրավունքների պաշտպանություն առանց սահմանների» հասարակական կազմակերպությունը կազմակերպում է դասընթացների շարք,
«Իրավունքների պաշտպանություն առանց սահմանների» հասարակական կազմակերպության կողմից կազմված «Հակակոռուպցիոն կոմիտեի
ՀՀ Ազգային ժողովի Քաղաքացիական պայմանագիր խմբակցությունը որպես Բարձրագույն դատական խորհրդի
Ներքին գործերի նախարարության կողմից մշակվել էին ««Ոստիկանության մասին» օրենքում լրացումներ
